„Кажи ААА: Се грижам за забите, избирам здравје!“ – е овогодинешното мото на Светскиот ден оралното здравје, кое не потсетува на заемната поврзаност на здравјето на усната шуплина и општото здравје на поединецот.
Кажи Ааа: Мисли на устата, мисли на здравјето
Светскиот ден на оралното здравје секоја година се обележува на 20 март. Првиот меѓународен ден поврзан со оралното здравје е одбележан во 1994 година, кога Светскиот ден на здравјето СЗО го посвети на оралното здравје.
Оралното здравје е многу повеќе од убава насмевка
Целта на одбележувањето е подигање на свеста, како и поттикнување на семејството и заедницата да преземат мерки за намалување на штетните последици кои ги предизвикуваат оралните болести.
Денот на оралното здравје се одбележува од 1994 година. 20 март е избран затоа што децата имаат 20 млечни заби, а постарите треба да имаат дваесет природни заби на крајот од својот живот. Претставено со бројки – месецот пред деновите, односно 3/20, се добива орален статус, кој би требало да го има еден возрасен човек, 32 заба и 0 забен кариес.
Здрава уста и здраво тело одат рака под рака. Кампањата во 2018 година ги поттикнува луѓето да направат врска помеѓу нивното орално здравје и општото здравје и благосостојба и да го препознаат влијанието што тие го имаат едно со друго.
Дури 90 % од светското население се изложени на опасност од некој облик на болест на забите во текот на животот, а кој би можел да се избегне, како преку поддршка од здравствените работници, така и преку спроведување на програми за превенција, откривање на оралните болести и нивно лекување.
Особено е важна грижата за оралното здравје во најраната возраст, кога се усвојуваат навиките. Оралните болести претставуваат проблем за децата и влијаат врз квалитетот на нивниот живот и целокупно здравје
Подеднакво внимание на оралното здравје треба да посветат и бремените жени, кои поради повисокото ниво на прогестерон за време на бременоста се соочуваат со „труднички гингивитис“, кој се манифестира со воспалена гингива која крвари и на најмал притисок на четката.
