Нови варијанти на коронавирусот постојано се појавуваат, за се позаразни и поопасни. Можеби се чини дека пандемијата се ближи кон крајот, но и натаму постои закана, а зависно од тоа каде живеете, што читате и кому му верувате. Но, една работа ќе влијае на сите нас, а се работи за новиот делта сој на коронавирусот, кој е позаразен и поопасен. Наскоро ќе стане и доминантен сој во САД, а во некои земји веќе е доминантен и предизвикува голем број смртни случаи.
Земјите во кои стапката на вакцинираност е пониска, се најзагрозени, вели епидемиологот д-р Мајкл Остерхолм, од Центарот за инфективни болести при Универзитетот Минесота, каде не се вакцинирани доволлен број луѓе.
ПАНДЕМИЈАТА НЕ Е ГОТОБА, ПРЕДУПРЕДУВААТ СТРУЧЊАЦИТЕ
“Летото е тука, сте запалиле клима, размисувате и за патување… Некои луѓе мислат дека со летото исчезна и пандемијата, но не. Глобално, зад нас се најлошите неколку месеци од пандемијата“, појаснува д-р Остерхолм.
Така, Австралија минатата недела најави построги мерки, Британија го одложи попуштањето, а во САД постојат места каде се вакцинирани многу малку луѓе и таму веројатно ќе се случи истото, додава тој.
МОЖНИ СЕ И НОВИ ВАРИЈАНТИ КОИ ЌЕ БИДАТ УШТЕ ПООПАСНИ
“Вирусот секогаш одново и одново ќе се обидува и само ќе биде позразен додека може“, појаснува д-р Џема Геогенан, виролог. Таа истакнува дека не може да мислиме дека е готово со варијантите, оти новите може да бидат и многу позаразни.
СЗО СОВЕТУВА ОВА ДА ГО НАПРАВИТЕ ПО ВАКЦИНИРАЊЕТО
Светската здравствена организација (СЗО) издаде интересно молба минатата недела: „Луѓето не треба да се чувствуваат безбедни затоа што биле вакцинирани двапати и понатаму мора да се заштитат“, изјави д-р Маријангела Симао, помошник генерален директор на СЗО за лекови и здравствени производи.
“Само вакцината нема да го спречи ширењето на вирусот во заедницата, луѓето сè уште треба да носат маски, да бидат во простории што имаат пристап до свеж воздух, да обрнат внимание на хигиената, да држат растојание и да избегнуваат големи собири. Ова е сè уште исклучително важно, дури и ако сте биле вакцинирани, појаснува таа.
КАКО ДА СЕ ЗАШТИТИТЕ?
Следете ги основните совети и упатства на експертите, помогнете на пандемијата да заврши што е можно поскоро, без разлика каде живеете, почекајте со патувања, држете се на дистанца, не останувајте во затворени простории каде што има многу луѓе, обрнете внимание на хигиената, вакцинирајте се и заштитете го вашиот живот, но и животот на луѓето околу вас.
