Прекумерното седење може да ве убие дури и ако редовно вежбате, покажала новата студија. Имено, ако седите шест или повеќе часа дневно, ризикот од порана смрт се зголемува за 19 проценти во однос на лицата кои седат помалку од три часа на ден.
Прекумерното седење е поврзано со следните 14 заболувања: рак, срцево заболување, болка во мускулите, дијабетес, бубрежно заболување, суицид, хронична опструктивна белодробна болест, болести на белите дробови, болести на црниот дроб, пептички улкус и други болести на системот за варење, Паркинсонова болест, Алцхајмерова болест, невролошки нарушувања и мускулни нарушувања и коскени заболувања.
Освен тоа, продолженото седење е поврзано со повисоки нивоа на триглицеридите, шеќер во крвта, покачен крвен притисок и инсулин. Седењето е, исто така, поврзано и со воспаление предизвикано од дебелина
Пораката е едноставна, колку помалку седите, толку подобро ќе ви биде здравјето. Се препорачува после секој еден час седење да направите пауза од неколку минути, за време на кои би требало да имате лесна телесна активност, пишува „American Journal of Epidemiology“.
