Ипокрај фактот за штетноста на чипсот, една третина од возрасните секојдневно го консумира, ддодека две тртини од децата во оваа грицка ужива неколку пати во неделата, покажало едно британско истражување.
Стручњаците утврдиле дека ако секој ден изедете едно пакување чипс, тоа е исто како да сте испиле пет литри масло за една година. Имено, проблемот не е само во маснотиите, туку и во количината на сол и шеќер.
Изразено солениот вкус, како и чувството на ситост што го нудат маснотиите во комбинација со шеќерот, кој исто така се наоѓа во оваа грицка, создаваат трио по кое копнее нашиот мозок. Консумирањето чипс влијае на нивото на инсулин и глукоза, па набрзо по грицкањето чипс сме уште погладни.
“Културата на грицкање чипс допринесе кон епидемија на хипертензија, дебелина и болести на срцето. Не е проблем ако повремено консумирате чипс, но оние кои го јадат секојдневно, треба да се запрашаат што му прават на своето здравје“, вели еден од истражувачите.
Истражувањата покажале дека и бремените жени кои чипс и слични грицки внесуваат во голема количина за време на бременоста, може да му наштетат на здравјето на бебето, исто колку и жените кои пушат цигари во бременоста. Токсичните хемикалии кои се наоѓаат во чипсот може да влијаат на помала тежина на фетусот, помал обем на главата и послаб развој на мозокот.
Исто така постоја докази дека чипсот содржи канцерогени состојки настанати со пржење на високи температури, и редовното консумирање го зголемува ризикот од малигни болести кај возрасните.
