Ширум светот, медицинскиот персонал е прв кој ќе прими и веќе прима вакцина против КОВИД-19. Како вакцината влегува и во животот на обичните луѓе, што таа нас ни значи за моменталната ситуација кога пандемијата се уште е во полн ек?
За жал бројките растат, а стручњаците сметаат дека не чека уште долго, несигурно возење со овој вирус. Велат и дека треба многу време за ефектот на вакцините на пандемијата се забележи и почувствува. И натаму ќе мора да внимаваме на однесувањето и навиките, бидејќи повеќето од забраните ќе траат уште некое време.
НЕМА ЗАБЕЛЕЖЛИВИ ПРОМЕНИ ВО БЛИСКА ИДНИНА
Д-р. Тимоти Бруер, професот на Универзитетот UCLA наведува дека е важно за сите нас да препознаеме дека поради вакцините нема да дојде до моментални промени во општеството.
Животот ни е свртен наопаку за време на пандемијата, а да се вратиме на она кое нам ни е познато нема уште догледно време. Тој вели дека засега приоритет е да се вакцинираат здравствените работниви и ризичните групи, како повозрасните лица.
Но, во Калифорнија, каде тој живее и работи, нема доволно вакцини за сите на кои им се потребни. Преброено е дека 2,4 милиони лица имаат потреба од вакцина, а има само една шестина од потребните дози.
Д-р Дан Калвер, пулмолог исто така не може да предвиди како ќе се одвиваат работите, но се согласува дека треба време за да ефикасно се промени насоката на пандемијата. Тој додава дека смета втората половина од оваа година, би можела да донесе промени.
Она што се прави денес во врска со контролата на вирусот ќе има големо влијание на здравствениот систем во февруари, смета д-р Калвер. Секоја земја треба да развие план на дистрибуција на лековите и да одреди каде се ќе се вакцинира.
Како и кај повеќето вакцини, ќе бидат потребни две дози, во период од 3-4 недели, а тука исто така ќе мора да се направи добар распоред.
НИКОГАШ ПОВЕЌЕ “СТАРО НОРМАЛНО“
Ако сте примиле вакцина, дали сте заштитени од вирусот? Лекарите велат дека се уште нема податоци за тој вид на делување, не само за првоиздадената вакцина, туку и за сите останати.
Можно е дека ќе штити од заболување, но можеби нема да штити од инфекција и од ширење на инфекцијата на лице кое не е вакцинирано, што значи дека и натаму мора да ги следиме протоколите врзани за заштитата.
Да, јасно е дека е тешко да се чуе после се што поминавме, дека вакцината нема така брзо да ги реши нашите проблеми. Во голема мера нема веќе старо нормално, мора да се прилагодиме на постојани промени, велат двајцата експерти.
“Пред две години да влезевме во банка со маска, веројатно ќе не исфрлеа надвор, а сега се претпоставува дека маските ќе се носта и многу подолго откако пандемијата ќе заврши“, вели д-р Калвер и додава дека и поради ваквите навики, ќе дојде до големи промени во општеството.
