Ако барате начин да го смените вкусот на салатата додајте лиснат зелен кељ. Еден филџан сиров кељ може да ви пружи 206% од дневната потреба од витамини и 134% од потребниот витамин Ц. Помешајте го со маслиново масло и лимонов сок кој ќе го омекне, потоа додајте исушено овошје. Кељот е одличен избор за здрав оброк.
Богат е со витамини А, Ц, К и Б6. Исто така е одличен извор на магнезиум и калциум.
Неговите антиоксидантни својства го намалуваат нивото на слободните радикали во телото и го намалуваат ризикот од разни болести, вклучително и некои видови на рак. Кељот ќе го намали лошиот холестерол и ќе го намали ризикот од кардиоваскуларни болести и ќе го заштити здравјето на вашите очи.
Кељот е мултивитаминско чудо што помага при обновување на кожата, како и при задржување на нејзината цврстина.
Смути од кељ.
Потребни состојки:
- 100 грама свежи листови кељ
- 200 милилитри свежо исцеден сок од јаболка
- 1 стапче целер
- 1 кафена лажичка лимонов сок
- Неколку коцки лед
Начин на подготовка:
Ставете ги сите состојки во блендер и матете додека не добиете густ пијалак.
Освен во исхраната, кељот наоѓа широка примена и во козметиката. Неговиот екстрат е составен дел на многу креми, лакови за нокти и шампони.
Ова растение е одличен избор за кожата затоа што изобилува со витамини A, Ц и К кои помагаат за елиминирање на темните подочниците и ја затегнуваат кожата околу очите. Кељот содржи лутеин, каротеноид кој го поттикнува производството на колагенот.
Помага во чистењето на порите на кожата и ја задржува влажноста во телото, која е многу потребна за општото здравје на организмот.
Поседува омега 3 и омега 6 масни киселини што го прави и одличен избор за косата. Масните киселини го навлажнуваат скалпот, го забрзуваат растот и го отстрануваат првутот од косата. Екстрактот од кељ се користи во многу шампони и во многу маски за коса.
Кељот е исто така добар за ноктите затоа што поттикнува создавање на кератин, кој што им дава цврстина и влажност.
За да направите маска, ставете во блендер четири листови кељ, малку сок од лимон и една лажица маслиново масло. Добиената смеса нанесете ја на скалпот 20 минути пред плакнење на косата.
