Губењето на косата е чувствителна тема, без разлика дали со овој проблем се соочуваат мажите или жените. Но мажите сепак имаат малку повеќе среќа кога е оваа тема во прашање, а во нивна корист оди научната студија на проф. д-р Франк Мускарела од Бари универзитетот во Мајами. Мускарела во своето истражување тврди дека ќелавите мажи всушност често се перципираат како доминантни, паметни и мажи со поголема самодоверба. Студијата покажала и дека тие се подоминантни во општеството за разлика од другите мажи. Иако мажите со коса се физички поатрактивни, ќелавите се оние со повисок општествен статус, но не предизвикуваат никаква закана, во споредба со мажите со коса.
Во рамки на истражувањето од учесниците било побарано да ги оценат машките учесници по четири критериуми: атрактивност, агресивност, смиреност и зрелост. Истите мажи биле на сите фотографии, но на едните биле со коса, а на другите без. Резултатите го покажале следново: ќелавите мажи биле оценети како поискрени, поинтелигентни и помажествени.
Ќелавите мажи не се перцепирани само како силни и секси, туку и како паметни. Универзитетот во Сарленд, Германија, ги анализирал податоците од анкета во која биле вклучени 20 000 луѓе. Резултатите покажале дека луѓето без коса често се перцепираат како повозрасни, но во исто време се доживуваат како мудри и попаметни.
