Научници од Кембриџ направиле истражување за тоа како храната влијае на попречувањето на растот и ширење на ќелиите на ракот. Тие утврдиле дека ќелиите на ракот на дојката „се хранат“ со хранливите состојки како аспарагин, кој може да се најде во овошјата, морската храна и други видови на храна. Истражувањето било спроведено на Институтот на Кембриџ на глувци кои имаат агресивен облик на рак на дојка. Глувците би умреле за неколку седмици бидејќи туморот би се проширил на целото тело, но научниците им давале храна која има ниско ниво на аспарагин или лекови кои ја блокираат оваа состојка, па туморот не се проширил. Аспарагинот е аминокиселина која му прави блок на протеините кои дополнително ги хранат ќелиите на ракот.
Минатата година Универзитетот во Глазгов направил анализа која покажала како со намалувањето на внесувањето на аминокиселини и гилицин го успорува развивањето на лимфомите и појавата на рак на цревата.
„Утврдивме дека специфичните форми на ракот зависат од специфичните состојки на храната која ја внесуваме. Во иднина се надеваме дека со модифицирање на исхраната на пациентите или употребата на лековите кои го менуваат начинот на кој ќелиите на туморот можат да им пристапат на овие состојки ќе ги унапредиме резултатите на терапиите“, рекол Ханон, еден од научниците.
Почетната фаза на туморот не е смртоносна. Кога метастазата ќе настапи на сцена тогаш доаѓа до фатални последици. Ќелиите на ракот поминуваат низ големи промени за да се прошират, се разделуваат од главниот тумор и поминуваат до одреден дел на телото каде понатаму се развиваат. Научниците веруваат дека голема улога во ова има аспарагин.
