Канадски научници откриле дека потопувањето на пластичните ќесички чај на температура од 95 Целзиусови степени отпушта околу 11, 6 милијарди парченца микропластика во само една шолја чај. Се работи за мошне ситни парчиња пластика со големина меѓу 100 нанометри и пет милиметри, и тоа е, напоменуваат, неколку пати повеќе отколку во други намирници.
„Сметаме дека тоа е премногу во споредба со други намирници кои содржат микропластика. Кујнската сол, која има релативно високо ниво од оваа материја, содржи отприлика 0,005 микрограмa пластика по грам. Шолја чај приготвена од ќесичка има илјада пати повеќе количество пластика, и тоа 16 микрограмa по шолја“, истакнала доктор Натали Туфенки од Универзитетот Мек Гил.
Анализите на потопените ќесички се обавени со електронски микроскоп и спектроскопија, а за да ја докажат штетноста на микропластиката. Научниците во иста вода ставиле водени инсекти кои не умреле, но имало очигледни последици во однесувањето и малформации во развојот.
Додека не бидат завршени и дополнителни истражувања, канадските стручњаци советуваат употреба на чај во хартиени ќесички или во изворен, сушен облик.
