Проблемите со мочниот меур, бубрезите или жолчката често може да бидат причина за болка на грбот. Заради тоа, пред да помислите дека имате проблеми со ‘рбетот проверете дали некој од другите органи ви праќаат сигнали кои се манифестираат со болка во долниот или средниот дел на грбот.
- Уринарен тракт
Инфекција на уринарниот тракт најчесто го предизвикуаат бактерии. Се манифестира со болки при мокрење, болка во долниот дел на грбот или стомакот. Најчесто се јавува кај жените и доколку не се излечи, може да дојде и до воспаление.
- Камен во бубрег
Постојана болка во еден дел на грбот, која се јавува со болка во стомакот, препоните, при мокрење, или забележувате крв во урината, може да биде знак дека имате камен во бубрегот.
- Воспаление на бубрезите
Ако, покрај болка на грбот, се покачи и телесната температура, таквата состојба може да укаже на воспаление на бубрезите. Почесто е кај жените.
- Воспаление на панкреасот
Воспалението на панкреасот се манифестира со комбинирана болка на грбот и болка на долниот дел од стомакот, повраќање и мачнини. Таа болка може да биде изненадна и се шири од стомакот кон грбот, а најчесто е последица на акутно или хронично воспаление.
- Камен во жолчката
Болките во грбот заедно со болки во стомакот и рацете, мачнини и болки при дишењето, се симптоми кои наведуваат на камен или воспаление на жолчката.
