За да го проценат ризикот од пренесување на болеста во различни средини, истражувачите од Универзитетот во кинескиот град Гуангжу пронашле над 3410 блиски контакти на 391 случај на зараза со КОВИД-19 во периодот од јануари до март оваа година.
Тие откриле дека ризикот од секундарен пренос на КОВИД-19 бил помал од четири проценти меѓу блиските контакти на заразените лица. Покрај тоа, забележале и дека секундарните инфекции стекнати преку јавниот превоз биле ретки. Од друга страна, се заразил секој десетти контакт во домаќинство. Откриено е и дека пациентите со клинички потешка слика поверојатно ќе ги заразат своите блиски контакти, отколку помалку тешките случаи. Најмала веројатност за ширење на заразата меѓу блиски контакти забележана е кај асимптоматските пациенти.
Манифестацијата на одредени симптоми, како искашлувањата, исто така е поврзана со зголемен ризик од инфекција на блиски контакти, пишуваат кинеските истражувачи во својот труд објавен во Annals of Internal Medicine.
Стапката на ширење на КОВИД-19 во домаќинствата (10,3%) е во склад со стапките забележани во други кинески градови (11,2%), но и во САД (10,5%). Истражувачите напоменуваат дека преносот внатре во домаќинствата бил поголем бидејќи во Кина рано се воведени строги мерки на затвораање, па луѓето повеќе време минувале дома, меѓу членовите на семејството.
Истовремено во периодот на испитувањето, носењето маски поради спречување на ширење на заразата било задолжително на јавни места, но не и во домаќинствата. Од тоа, истражувачите заклучуваат дека до мерките при карантин и самоизолација, важно е да се придржува и во рамките на сопствените четири ѕида.
Откриено е и дека ризикот од пренос на заразата во јавен превоз или во здравствени установи е низок. Тој ризик се зголемува со бројот на аптници и времето поминато во јавен превоз, како и со потешкотии поврзани со идентификување на сите блиски контакти.
Резултатите од истражувањето покажале и дека пациентите со потешки симптоми биле поголеми преносители на инфекцијата, додека заразноста на асимптоматските пациенти била ограничена. Овие наоди се во склад со ставот на Светска здравствена организација дека асимптоматските случаи не се главните двигатели на ширење на пандемијата.
