Кинеските научници откриле: Постојат дури 30 соеви на коронавирус и знаеме и каде се дојдени најсмртоносните форми на вирусот

Можно е да постојат дури 30 соеви коронавирус, а некои од нив може да создадат и до 270 пати поголеми количини на вирусот, што значи дека се значајно поопасни.

Токму ова е резултат на кинеска студија работена на Универзитетот Zhejiang со која се окриени десетици мутации, од кои 60 проценти, односно 19, претходно никогаш не се видени. Имено, стручњаците од почетокот на пандемијата со КОВИД-19 предупредуваат на непредвидливоста на овој вирус и можноста за мутации за кои само се претпоставува во кој период би можело да се случат. Од тоа зависи и можноста на побрзо пронаоѓање на лек или вакцина.

Некои од тие мутации ја засилиле способноста на вирусот за влезе во клетката, а други пак побрзо да се размножува. Најсмртоносните соеви биле генетски слични на оние кои се ширеле во Европа и во Њујорк, тврдат кинеските научници и додаваат дека помалку агресивни биле оние пронајдени во западниот дел на САД.

Точно е дека студијата се темели на засега мал број кинески пациенти, но несомнено докажува дека мутациите влијаат на тежината на болеста. Нема објаснување зошто токму тие агресивните соеви пристигнале во Европа и во Њујорк.

Но, научниците нагласуваат дека вирусите се познати токму по тоа да постојано мутираат за да совладаат отпорноста на имуниот систем. Тоа се совпаѓа и со претходно утврден факт дека на пример во Њујорк владеел смртоносниот Б тип вирус, а на западниот брег на САД, типот А, помалку агресивен. Објаснувањето на научниците е дека типот А стигнал во САД од Кина, а дека тип Б сојот вирус во Њујорк од Европа.

Се покажало дека најагресивните соеви создале до 270 пати поголема количина на вирусот.

Тимот научници на професорката Ли Ланџуан тестирал колку ефикасно вирусот може да зарази и да убие човечка клетка во лабораторија. Вирусното оптоварување (количина на вирус) се проценувало по еден, два, четири и осум часа, како и по 24, и 48 часа. Се следел и цитопатскиот учинок, дури три дена по експериментот. Се покажало дека најагресивните соеви создале до 270 пати поголема количина на вирусот. Токму тие соеви кои создавале најголемо вирусно оптоватување, довеле и до најголем размер на смртноста на клетките.

“Нашите резултати покажаа дека мутациите може да имаат директно влијание на вирусното оптоварување и смртноста, односно дека можат да влијаат на патогеноста (способност за предизвикување на болест)“, објаснува проф. Ланџуан.

Кинескиот тим пронашол некои од најсмртоносните мутации во градот каде е правена студијата, а токму тие мутации се забалежани и во неколку силно погодени земји, како Италија, Шпанија и во Њујорк.

Но, научниците напоменуваат дека тоа никако не значи дека поблага мутација воедно значи и низок ризик за смртност, но дека сигурно поагресивна мутација прави поголема штета кај поголем број пациенти. Тие истакнуваат дека влијанието на честите мутации мора да се земе предивид при развојот на вакцина и на лекови против КОВИД-19.