Зелката е нискокалоричен, а суперхранлив зеленчук, единствен спој на витамините А, Б, Ц, Е и К, минерали (манган, селен, калциум, калиум, магнезиум), омега-3 масни киселини и лековити сулфурни супстанци (најпознат е сулфорафанот) кои штитат од рак.
Зелката е вистински благодат за имунитетот и варењето, а, исто така, е позната и како антистрес зеленчук.
Од дамнина е позната лековитоста на зелката, како на свежата, така и на закиселената, која во нашите краишта е традиционална зимница. Одлично се комбинира со чварки, колбаси, како салата со грав и, секако, во подготовката на сарма.
Расолницата од киселата зелка се препорачува како прочистувач на организмот, и како природно средство за ублажување на мамурлакот. Киселата зелка се најде и на списокот продукти за подобро водење љубов. Ако ја јадете свежа два пати на ден, ќе го разбудите либидото во вас.
Метла за желудникот и цревата
- Киселата зелка е одличен извор на витамините Ц и К, калиум и калциум. Многу пред научниците да го откријат витаминот Ц, морнарите со себе носеле буриња кисела зелка за да спречат скорбут.
- Се нарекува и метла за желудникот и цревата, а воедно ги јакне нервите и ги подобрува крвните зрнца. Бактериите на млечната киселина од киселата зелка ја одржуваат цревната флора здрава, а со и целокупниот телесен имунитет.
- За да се сочуваат хранливите состојки и пробиотиците, како и поради полесно варење, се препорачува да се јаде свеже кисела зелка, без готвење. Ако ја додадете во некое јадење (на пример, во вариво од грав), направете го тоа при крај на готвењето.
- Во процесот на детоксикација, како меѓуоброк испијте една чаша сок од кисела зелка.
- Како лековита и вкусна комбинација се препорачува салата од кисела зелка со маслиново масло и лук.
