Научниците предупредуваат дека кога ќе почувствувате некој мирис после кивање, би требало да појдете на лекар. Било да е непријатен или сладок, одредени мириси може да укажуваат на здравствени проблеми, а во најлош случај може да се знак за посериозни болести. До кивање доаѓа кога честички нечистотија, полен, чад или прашина ќе ја иритираат слузницата на носот.
Во повеќето случаи кивањето е безопасно и претставува природно средство за чистење на носот. Сепак, ако забележите непријатен мирис по кивањето може да е време да проверите што е причина за тој мирис.
Слаткиот мирис кој доаѓа по кивањето може да биде знак за дијабетес, додека киселиот мирис може да укажува на болест на непцата. Доколку, пак, почувствувате непријатен мирис по кивањето, тогаш најверојатно имате проблем со синусите затоа што заразената слуз е полна со бактерии кои го предизвикуваат овој мирис. Ако после кивањето почувствувате мирис на амонијак, тогаш посветете внимание – може да имате проблем со дијабетес или сериозни проблеми со црниот дроб и бубрезите.
