Многумина не знаат дека кивито е една од најздравите намирници. Преполно е со антиоксиданти, а содржи повеќе витамин Ц од портокалите и другите цитруси. Одличен извор е на калиум, влакна, витамин А и Е, заради што има мноштво здравствени предности.
Помага кај запек – содржи многу влакна, па затоа и се препорачува како намирница за здрав појадок.
Спречува болести на респираторниот систем – докажано е дека пет до седум порции киви неделно можат да ја намалат кашлицата за 27 отсто, надразнетоста на носот за 28 % и хроничната кашлица за 25 %. За сето ова е заслужен витаминот Ц.
Ги штити очите – Кивито содржи лутеин и зеаксантин, материи кои природно се наоѓаат во човековото око. Лутеинот помага при филтрирањето на штетната сина светлина што помага во спречувањето болести на очите предизвикани од стареењето.
Го регулира крвниот притисок – богато е со калиум кој игра важна улога во одржувањето на доволно количество течност во организмот.
Го намалува холестеролот – влакната можат да го намалат нивото на лош ЛДЛ холестерол. А како се намалува нивото на холестерол така се намалува ризикот од срцеви болести и срцев удар.
Ублажува стрес и ги смирува нервите – заради големото количество на витамин Ц ја ублажува нервозата и вознемиреноста. Исто така, е одличен за намалување на стресот.
Штити од рак – флавоноидите и каротеноидите кои имаат антиоксидативно дејство го штитат телото од слободните радикали кои можат да предизвикаат низа болести, вклучително и рак.
Го чува кардиоваскуларното здравје – докажано е дека ако јадете киви секое утро тоа може да има дејство еднакво како и аспирин. Кивито го намалува нивото на триглицериди во крвта за дури 15 отсто.
