Консумирањето две кивија на ден го штити организмот од болести на срцето и циркулаторниот систем, мозочен удар, рак и респираторни заболувања – велат експертите за здрава исхрана. Ова овошје со кафеава боја, прекриено со влакна, со вкусно и сочно зелено месо, е вистинска витаминска бомба, особено кога станува збор за витамин Ц (износот на витамин Ц е два пати поголем отколку во портокалот).
Единствената мешавина на растителни фитонутриенти, витамини и минерали во ова ароматично овошје претставува моќен сојузник во борбата против срцевите заболувања, го намалува ризикот од мозочен удар, рак, респираторни заболувања, а како природно средство за благо разредување на крвта делува како „аспирин“, но без никакви несакани ефекти, благотворно врз кардиоваскуларниот систем и ги намалува шансите за настанување на крвни згрутчувања.
Кивито, исто така, го намалува нивото на ЛДЛ ( „лошиот“) холестерол и го намалува високиот крвен притисок
Резултатите од бројни испитувања докажале дека кивијата не само што го намалуваат нивото на т.н. оксидативен стрес и оштетување на ДНК, туку, исто така, ги стимулираат оштетените клетки на регенерација.
Кивито е неизбежен дел од речиси сите програми на исхрана на пациентите болни од рак, срцеви заболувања, а се користи и во традиционалната кинеска медицина за да се забрза процесот на заздравување на раните.
Според експертите, едно до две кивија дневно е идеална количина, која ќе му помогне на имунолошкиот систем да се спротивстави успешно на налетот на вируси и бактерии
Корисните состојки од кивито ќе бидат најдобро искористени доколку се консумираат свежи плодови и тоа наутро – на гладно.
Моќта на антиоксидантите во кивито расте со зрелоста на плодот, па најдобро е да се јадат исклучиво созреани плодови, кои се меки на допир.
