Ова егозтично овошје доаѓа од Кина и се смета за кинеско национално овошје. Има интензивен вкус, изразена сочност, и е богато со мали црни семки кои не го менуваат вкусот. Но, многумина не знаат дека кивито е една од најздравите намирници. Преполно е со антиоксиданти, содржи повеќе витамин Ц од било кое цитрусно овошје. Одличен извор е на калиум, влакна, витамини А и Е, а еве кои се нагови најзначајни здравствени предности.
ОЧИ
Витамините А, Ц и Е имаат антиоксидантно дејство. Неколку истражувања докажале дека кивито може да го намали ризикот од појава на старечка макуларна дегенерација и тоа за 36%. Кивито содржи лутеин, состојка која природно се наоѓа во окото на човекот, а помага при филтрирање на штетното сино светло, што помага во спречување на болести на окото предизвикани од стареењето.
РАК
Флавоноидите и каротеноидите кои имаат антиоксидантно дејство го штитат телото од слободните радикали, кои може да предизвикаат низа болести, вклучително и карцином. Кивито ја штити ДНА од оксидациските штети, поради што ризикот од појава на рак уште повеќе се намалува.
КАРДИОВАСКУЛАРНО ЗДРАВЈЕ
Едно истражување покажало дека ако јадете едно киви секое утро, може да има ефект на спречување на појава на крвни згрутчувања. Кивото го намалува нивото на триглицериди во крвта за 15%, со што се спречува таложење на наслаги на ѕидовите на артериите и се чува здравјето на срцето и крвните садови.
СИСТЕМ ЗА ДИШЕЊЕ
Едно истражување покажало дека кивото може да спречи болести на дишниот систем, а особено ефикасно се покажало кај децата. Истражувањето покажало дека 5 до 7 порции киви неделно, може да ја намали кашлицата за 27%, надразнетоста на носот за 28%, а хроничната кашлица за 25%. За сето ова е заслужен витаминот Ц.
ДИГЕСТИВЕН СИСТЕМ
Кивито е одличен извор на влакна кои го одржуваат дигестивниот систем здрав, Внесот на влакна е одличен начин дигестивниот систем да се ослободи од: токсини и да се спречи појава на рак на дебелото црево.
КРВЕН ПРИТИСОК
Кивито е богат извор на електролитот калиум кој игра важна улога во одржувањето на правилно ниво на течности во организмот. Исто така, ја регулира работата на срцето ии крвниот притисок.
ХОЛЕСТЕРОЛ
Влакната во кивито може да го намалат нивото на лошиот (ЛДЛ) холестерол. Како го намалува нивото на холестеролот, така го намалува и ризикот од срцеви болести и срцев удар. Правилниот внес на калиум е клучен за здраво срце, а кивито е најдобар извор на природен калиум.
