Наскоро милиони луѓе би можеле да престанат секојдневно да пијат таблети и да ги заменат со инјекции за намалување на притисокот кои се примаат само два пати годишно. Првата ваква терапија во светот моментално е во постапка на клиничко испитување на пациенти од Националниот здрвствен систем на Велика Британија. Стручњаците се надеваат дека инјекциите против висок крвен притисок да бидат широко достапни за три до најмногу пет години, што би можело да претставува револуција за 14 милиони Британци со хипертензија, а потоа и за лицата со хипертензија секаде во светот.
Практична и поевтина алтернатива
Новиот лек цели на протеинот кој се нарекува ангиотензиоген, го произведува црниот дроб и е вклучен во регулирањето на крвниот притисок. Во истражувањето што го спроведува Универзитетот Queen Mary во Лондон, ќе бидат вкучени 630 пациенти од целиот свет, предвидено е да трае три години во текот на кои ќе се контролира безбедноста на инјекциите и нивната ефикасност во контролирањето на крвниот притисок кај пациентите со блага до умерена хипертензија, како и дали инјекцијата доволно ќе го намали притисокот во текот на подолг период. Ова би било практична и поевтина алтернатива на секојдневното земање лекови, при што често се случува да луѓето заборават да го испијат апчето.
