Пациентите кои примаат цитостатска и имунотерапија, како и оние кои се на радиотераписки третман треба да се јават на редовно закажаниот термин. Според информацијата од Универзитетската клиника за онкологија и радиотерапија, болницата и во услови на КОВИД-19 функционира непречено, пред се поради специфичноста на малигните заболувања. Од клиниката единствено препорачуваат таблетарната терапија за нивните пациенти, да ја подигне член на семејството.
Истовремено, лекарскиот тим на Онкологија излезе и со совети за своите пациенти во услови на пандемија на новиот коронавирус.
- Пациентите да носат маска и ракавици при влез во просториите на клиниката, а доколку немаат маска и ракавици тие ќе им бидат обезбедени од страна на клиниката.
- Доколку имаат покачена телесна температура, треска и тешкотии при дишењето да не доаѓаат на закажаната контрола, хемотерапија или зрачна терапија на клиниката, туку да се јават кај својот матичен лекар и да го известат за својата состојба.
- Пациентите додека престојуваат во чекалните треба да држат дистанца од најмалку 1,5 метар од другите пациенти кои се во чекалната.
- Пациентите и нивната придружба да не влегуваат во просториите на клиниката без да бидат повикани.
- Да го известат медицинскиот персонал кој е непосредно вклучен во давање на онколошката нега доколку имаат познат случај во нивната непосредна близина кој е позитивен на КОВИД-19.
За потсетување, Универзитетската клиника за радиотерапија и онкологија обезбедува и психолошка поддршка за пациентите со онколошки заболувања, за која може да се обратите на следните телефонски броеви:
- Доктор од ЈЗУ УК за радиотерапија и онкологија, во периодот од 10:00 до 12:00 часот на телефон 078/364-629
- Претседателка на комора на психолози, Мирјана Јовановска-Стојановска од 12:00 до 17:00 часот на телефон 070/233-453
- Психолог Александра Стефановска од 15:00 до 18:00 часот на телефон 071/218-050
- Психолог Елена Ѓорѓевска од 17:00 до 20:00 часот, на телефон 078/494-973
