![3](https://panacea.mk/wp-content/uploads/2022/08/3-6-696x392.jpg)
Хормонот на стрес кортизол би можел да биде причината зошто некои луѓе страдаат од долготраен ковид и чувствуваат симптоми со месеци откако ќе ја преболат короната. Имено, истражувачите од Универзитетот Јеил откриле дека луѓето кои страдаат од долготраен ковид генерираат околу половина помалку кортизол од нивните здрави врсници.
- СИМПТОМИ СО МЕСЕЦИ
Иако сè уште не е пронајдена точната врска помеѓу кортизолот и долгиот ковид, наодите од Јеил би можеле да ја отворат вратата за објаснување на нова хипотеза за тоа што предизвикува некој да чувствува симптоми со месеци, а некој брзо да се опорави од вирусот без долгорочни компликации. Според една студија неодамна објавена во The Lancet, секој осми кој прележал КОВИД-19 чувствува долгорочни последици на болеста.
- ХОРМОН НА СТРЕСОТ
Кортизолот е главниот хормон на стрес во телото. Ќе се активира во надбубрежните жлезди и ќе се шири низ телото. Штом ќе се откријат доволно хормони во крвотокот на една личност, мозокот ќе премине во состојба на висока готовност, предизвикувајќи чувство што го знаеме како стрес. Но, иако звучи парадоксално, премалиот стрес не е добар во превенцијата на долготрајниот ковид. Ниското ниво на кортизол веќе е поврзано со синдромот на хроничен замор во претходни истражувања, а заморот е исто така еден од најистакнатите симптоми на долгоиот ковид.
- ПОЧЕТОК НА ИСТРАГАТА
Истражувачки тим од Јеил забележал дека некои пациенти со долготраен ковид се чувствуваат подобро откако биле лекувани со зголемување на нивото на кортизол.
“Ова е само почеток на потрагата. Сега кога нивото на кортизол е поврзано со долготрајниот ковид, понатамошните истражувања ќе одат во насока на пронаоѓање на механизмот што предизвикува хормонот да го создаде проблемот, развивање третмани и како точно да се лекува“, објавија научниците.