Додека алкохолот, транс-мастите и шеќерот неповолно влијаат на црниот дроб, одделни намирници го „чистат“ и штитат овој орган. Тоа се најпрво зачините како што се куркумата, биберот и пиперката кои поттикнуваат ензими за детоксикација.
Зелениот чај потоа го намалува ризикот од болести на црниот дроб благодарение на високото количество на полифенолни соединенија кои ги содржи.
Исто така, намирниците богати со омега-3 масни киселини помагаат во регулирањето на зголемените нивоа на липиди во крвта и на тој начин го намалуваат ризикот од неалкохолна масна болест на црниот дроб. Од друга страна, намирниците кои изобилуваат со витамин Е го забавуваат напредувањето на оваа болест, па се значителна помош при лекувањето.
И најнакрај, за здрав црн дроб се важни и пробиотиците – пореметувањето на рамнотежата на цревната микрофлора често се забележува кај личности со масен црн дроб или цироза на црн дроб.
