Истражувачите од Универзитетот Јејл тестирале 3 635 учесници постари од 50 години за нивните навики за читање. Испитаниците ги поделиле во три групи – оние кои не читаат, луѓе кои читаат помалку од 3,5 часа неделно и луѓе кои читаат повеќе од 3,5 часа неделно.
Читателите кои читале повеќе од 3,5 часа неделно живееле полни 23 месеци подолго од луѓето кои не читале воопшто. Тој продолжен животен век се јавил кај сите испитаници, без оглед на нивната финансиска состојба, образование или здравствена состојба. Па оттука истражувачите донеле заклучок дека животниот век може да се продолжи со едноставна активност како што е читањето.
Како што појаснуваат стручњаците, читањето вклучува два главни когнитивни процеси – длабоко читање и емоционална врска.
Длабокото читање е бавен процес во кој читателот се бави со книгата и се труди да ја разбере во свој и во контекст на надворешниот свет. Емоционалната врска е место каде читателот сочувствува со ликовите, ја подобрува општествената перцепција и емоционалната интлигенција.
Овие когнитивни процеси биле водечки за истражувачите од Јејл и користени како маркери за нивното истражување. Иако изгледа дека читањето нуди предност во поглед на преживувањето, големите предности кои ги потврдило истражувањето се помалку стрес и подобро однесување од страна на читателите.
