Повеќето луѓе времето за вежбање го одредуваат според другите обврски во текот на денот. Прашање е дали постои време кога вежбањето е најефикасно? Еве некои предности и маани на вежбањето во одредено време од денот, па одлучете сами што е најдобро.
Вежбање наутро
Луѓето кои стануваат секое утро да вежбаат главно се поактивни и почесто вежбаат, за разлика од оние кои физичката активност ја оставаат за подоцна, бидејќи тогаш е мала веројатноста дека во 6 часот наутро ќе излезе некоја неодложна обврска, која ќе ви го поремети вежбањето.
Од друга страна, многу стручњаци веруваат дека доколку сакате да ослабете, најдобро време за вежбање е токму пред појадок. Телото наутро многу брзо ќе ги истопи шеќерите и јаглехидратите, па ќе се префрли на согорување на масните наслаги.
Вежбање за време на ручек
Ако не може да одвоите редовно време за вежбање, физичката активнсот за време на пауза за ручек добро ќе ви дојде. Во тоа време, вашите реакции се брзи, се подобрува капацитетот на белите дробови, а вежбите ги правите со помалку напор, бидејќи сте веќе загреани, а мускулите и зглобовите се флексибилни. Со тоа се намалува ризикот од повреда. Покрај физичките бенефиции, со вежбањето за време на ручек, тука се и менталните, кои подразбираат зголемен проток на крвта во мозокот што делува на вашата концентрација и ќе олеснува ни работниот ден да се истурка до крај. Негативна страна на вежбањето во ова време е тоа што времето за активност е пократко.
Вежбање навечер
Попладне и навечер телото е во целосно различна биолошка состојба отколку наутро. Тоа во повеќето случаи, е време за најголема биолошка ефикасност кај повеќето луѓе. Најдобри спортски перформанси и светски рекорди обично се случуваат доцна попладне или навечер. Вежбањето навечер е најдобро доколку сакате да направите мускули и да го зајакнете телото, бидејќи мускулите се загреваат преку целиот ден, а одредени хормони потребни за јакнење на телото се на највисоко ниво во тоа време.
Вечерното вежбање, исто така може да помогне при регулирање на количината на храна која ќе ја изедете за вечера, а покрај тоа, е одличен начин за борба против стресот по работниот ден. Единствена негативна страна е што може да ви го поремети сонот и затоа е најдобро со тренинг да завршите 1-3 часа пред спиење.
