Како намирница почнале да го користат уште античките Римјани и Грци. Целерот во стариот Египет се користел како лек, а во 17 век стигнал во западната култура како зачин, а потоа и како свеж додаток на разни јадења.
Стеблото на целерот е најлековитиот дел од билката. Може да се јаде сам, суров, но, исто така, и како одличен зачин за многу јадења – сосови, салати, супи, сендвичи.
Целерот е богат со витамини, минерали и влакна, поради што со право го нарекуваат чистач на организмот
Има силно диуретско дејство и помага при искашлувње, особено кај инфекции на дишните патишта. Се користи и за лекување и превенција од разни болести, бидејќи избилува со витамин А, а потоа и Б витамини, витамини Ц, Е и К. Покрај тоа има и фолна киселина, калиум и калциум, а особено влакна кои го стимулираат празнењето на цревата.
Иако целерот е богат со фолна киселина, не се препорачува кај бремени жени, бидејќи има силно абортивно дејство.
Со оглед на фактот дека е богат со флавоноидни антиоксиданти, целерот го спречува ракот и го чува здравјето на очите, во што помага и витаминот А. За спречување на ракот во оваа намирница е заслужен и кумаринот, но и фактот дека е алкална намирница, ја намалува киселоста на телото и со тоа предиспозицијата за заболување. Особено штити од рак на дебелото црево, поради влакната кои го олеснуваат варењето и чистењето, како и од рак на дојка. Целерот содржи супстанции кои можат да го намалат лошиот холестерол и покачениот крвен притисок, со што се намалува можноста за појава на болести на васкуларниот систем и срцето, вклучувајќи и инфаркт.
Целерот е богат со магнезиум и етерични масла кои брзо ќе ја намалат нервозата, поради што им се препорачува на луѓе кои се под хроничен стрес, како и оние кои имаат проблеми со несоница. Во тој случај, изедете дел од свежо стебло пред спиење
Ако имате проблеми со болки во зглобовите, страдате од чести пневмонии или се борите со астма, би требало да консумирате целер баш поради неговото големо антивоспалително дејство. Помага и во борбата против акните така што делува одвнатре и го намалува воспалението. Суровиот целер обично се препорачува за разни заболувања на кожата, бидејќи помага да се исчисти организмот од токсините.
Свежиот целер е полн со вода, поради што ја хидрира кожата и ја прави посвежа. Од истата причина тој е одличен диуретик, кој ги ублажува и спречува разните болести на бубрезите и проблеми со уринарниот тракт.
