Организмот тешко може да ги искористи хранливите состојки од свежата брокула, додека долгото варење ги неутрализира нејзините главни активни состојки, укажуваат истражувањата. Како тогаш најдобро да ги искористиме исклучително здравите придобивки од брокулата?
Брокулата содржи стотина здрави хранливи состојки. Тука спаѓаат, меѓу другите и растителни влакна, сулфорафан, глукорафанин и диндолметан. Растителните влакна се од корист за цревната микрофлора и придонесуваат за функционирањето на имунолошкиот систем. Сулфорафанот, природно сулфурно соединение, има докажано антиканцерогено дејство. Истото тоа важи и за глукорафанинот и диндолметанот. Истражувањата покажале дека сулфорафанот предизвикува апоптоза (програмирана смрт на клетките) на неколку видови на малигни клетки: рак на дебелото црево, на простатата, на дојки и на белите дробови. Научниците сметаат дека консумирањето на три порции брокули неделно може да го намали ризикот од заболување од рак на простата за повеќе од 60 проценти.
Сулфорафанот има уште многу корисни својства, меѓу другото и го стимулира имунолошкиот систем и делува антиинфламаторно.
Секоја брокула не содржи исто сулфорафан:
- Пупките на брокулата содржат 20 пати повеќе глукорафанин (супстанца која во присуство на мирозиназа во моментот се трансформира во сулфорафан) од зрелата брокула.
- Замрзнатата брокула дава помалку сулфорафан затоа што во процесот на бланширање брзо се уништува ензимот мирозиназа.
- Ако јадете свежа брокула, организмот ќе може да апсорбира само 12 % од вкупниот сулфорафан.
- Брокуклата варена во вода, како и брокулата печена во микробранова печка не е препорачлива затоа што тој процес го уништува најголемиот дел од мирозиназите, ензим кој овозможува да го искористите сулфорафанот.
- Но кога брокулата се вари на пареа околу три до четири минути организмот ќе може да ја искористи максималната количина на сулфорафан. За да го добиете максимумот, важно е да не ја варите повеќе од пет минути. Искористеноста на сулфорафанот од брокулата можете да ја зголемите додавајќи други намирници кои содржат мирозиназе, а тоа се семки, зелка, дајкон…
