Три проценти од децата помлади од седум години имаат главоболки. Најлесно решение е на детето да му се даде ибупрофен или некој сличен лек што ќе го успие, но што да правите кога тоа не помага и кога детето и понатаму се жали на болки во главата.
Доколку и вие како родител имате сличен проблем, голема е веројатноста дека и вашето дете ќе страда од мигрена. Докторите тврдат дека во такви случаеви, нормално е вашето дете да има дури до три главоболки неделно, се додека болките не му пречат на детето во училишните и останатие активности.
Главоболката кај децата може да биде предизвикана од стрес, замор, глад или од нешто што јаделе, особено ако во оброкот имало кофеин или адитиви, како што е моносодиум глутамат (кој се наоѓа во брзата храна) или нитрати (оброци како хот дог или оброк со сланина).
Понекогаш причинители се и надворешни фактори како пад, синусна инфекција или грип. Главоболките може да бидат и сигнал дека детето има проблеми со видот: рутински преглед на очите ќе ви даде информација. Меѓутоа, докажано е дека мигрената најчесто се јавува без конкретна причина.
Се препорачува на детето да му ставите ладни облоги, да лежи во темна и тивка просторија. Ако се одлучите за лек, ибупрофен треба секогаш да имате при рака. Ако детето често добива главоболки, следете го денот кога се појавила главоболката, активностите и она што детето го јадело, плус сите промени во неговиот вообичаен ритам.
Прв знак дека треба да побарате лекарска помош се зачестените мгрени кои при тоа се болни и траат долго. Ваквата состојба некогаш е проследна со одредени невролошки симптоми (промена во одот, во балансот или во координацијата). Повраќањето и главоболката што ќе го разбудат детето од сон веќе се сериозен аларм кој може да укажува на сериозен проблем. Исто така, болката во глава проследна со вкочанет врат или треска е сигнал веднаш да побарате лекарска помош, бидејќи може да станува збор за менингитис.
