Грипот и настинката се главни причини зошто децата изостануваат од училиште, а возрасните од работа. Покрај физичката неможност за правилно функционирање, проследена со бројни симптоми, причина да останете дома е и изолацијата и спречувањето на ширење на зарази.
Колку долго да останете во изолација?
Стручњаците, генерално советуваат дека дома треба да останете се додека траат сериозните симптоми за грип, како што се кашлица, течење нос, температура, дијареа и замор, а минималното време е 24 часа, по што температурата на телото треба да се нормализира. Покрај ова, одморот е многу важен фактор за оздравување, па затоа се советува додека сте болни, што почесто да одмарате.
Сепак, важно е да се напомене дека оздравувањето зависи од самиот поединец, а факторите се бројни, како јакнење на имуниот систем и начинот на живеење. Во просек, до потполно ослободување од настинката или грипот, доаѓа од 7 до 10 дена. Симптомот на грип како што е покачената телесна температура, може да трае околу 5 дена, а кашлицата и чувството на замор може да потраат и неколку денови подолго.
Кога се враќате на училиште или на работа, прекријте ја устата додека кашлате и кивате, и рацете мијте ги почесто. Иако можеби се чувствувате подобро, постои можност во телото да е присутен вирусот и во наредните еден до четири дена, по оздравувањето.
Од друга страна, настинката е заразна во првите два до четири дена, но може да се шири и со недели потоа. Во овој случај, единствена превенција е здравата исхрана богата со витамини, физичката активност и личната хигиена, која вклучува кивање и кашлање во шамивче, како и редовно миење на рацете.
