Ноќното потење (хиперхидроза) се случува во кој било период во тек на спиењето. Лицето се буди од длабок сон, чувствува дека е премногу ладно или топло, мокро од пот во огромна мера. Оваа состојба може да доведе до пореметување на спиењето, до несоници или стрес. Меѓутоа, ако нешто вакво ви се случило неколку пати, немојте да кревате паника, туку консултирајте лекар.
Причините за ноќното потење се различни, најбаналниот е висока телесна температура или неприлагодена собна температура во собата каде спиете. А, најчести причинители за ваквата состојба се:
Менопауза – жените во менопауза и во перименопауза често го имаат овој проблем, поради брановите кои им се случуваат во будна состојба.
Идиопатска хиперхидроза – релативно ретко и често погрешно дијагностицирана состојба при која лицето се поти навечер без каква било поврзана медицинска причина или пореметување.
Инфекции и воспланија – кај лицата кои патат од инфекции или воспаленија од кој било вид, исто така, често се јавува ноќно потење. Во некои случаи може да станува збор и за туберкулоза.
Лекови – комбинација на одредени видови на лекови и други здравствени пореметувања може да доведат до појава на ноќно потење. Антидепресивите се еден од најчестите причинители, но тоа може да бидат и лекови за регулирање на работата на срцето. Лицата кои имаат ниско ниво на глукоза во крвта (хипогликемија) примаат инсулин или лекарства кои како контраиндикација може да предизвикаат прекумерно потење.
