Секој од нас во одреден момент се соочил со главоболка, но понекогаш овие болки се толку силни што не можете да ги игнорирате. Иако не страдаат сите од сериозни главоболки, постојат луѓе кои, сепак, се соочуваат и се борат со нив. Експертите велат дека постојат одредени видови главоболки кои може да укажуваат дека нешто не е во ред со вашето здравје.
Главоболката што ја добивате кога сте напнати не е причина за загриженост, освен ако не предизвикува сериозно силна болка. Можете да земете лекови против болки и да продолжите со вашиот ден.
Мигрените предизвикуваат умерена до јака болка, но можат да траат и подолго – од четири часа до три дена. За жал, причината не е позната.
Кластер главоболките се исклучително болни, исцрпувачки главоболки. Тие се појавуваат во серии (кластери) кои траат неколку недели во едното око или околу него. Болката е толку силна што лицето не може да седи
Синусната главоболка е последица на воспаление на синусите. Болката се движи од носот до челото и образите.
Хормонската главоболка е специфична за жените во периодот на хормонални промени (менструација, менопауза или бременост). Контрацептивните апчиња, исто така, може да предизвикаат главоболки.
Лекарска помош треба да побарате ако главоболката ве буди од сон, ако „штрекот“ е силен или ако како последица го изгубите видот, мачно ви е, или ви се врти. Ако осетите дека вашата главоболка е невообичаена, нема да ви наштети посета на лекар, бидејќи никогаш не е доволно внимание кога станува збор за вашето здравје.
