Себореата е хронично воспаление на кожата, која се јавува на подрачјето каде што лојните жлезди се најгусти и најбројни. Под себореични подрачја спаѓаат веѓите и скалпот, кожата околу папокот, делот околу анусот и препоните, кожата на лицето и средишните делови на градниот кош.
Себореата не влијае на севкупното здравје и не е заразна, но може да биде многу непријатна.
Се уште не е позната точната причина за појава на себореа, а на развојот на болеста влијаат хормоните и генетската наследност. За влошувањето на болеста може да влијаат и климата и емоционалниот стрес. Освен нив, за појава на болеста може да влијаат и надразнувања на кожата, промена на pH вредноста на кожата, присутност на габата Pityrosporum ovale, имунолошко пореметување, алкохол и нездрава храна.
СИМПТОМИ
Кај возрасните, симптомите на себореа се појавуваат постапно, а себореата се јавува на т.н. себореични делови т.е се манифестира како појава на жариште од црвено-розова боја.
Тие жаришта понекогаш полека се подигаат и на нив се јавува чешање и жолти лушпи. На себореичните делови може да се јави и секундарна инфекција од бактерии, а тогаш доаѓа до влажнење по кое подоцна се појавуваат красти.
Често се појавуваат и промени на рабовите на очните капаци, а се препознатливи по крастите и црвенилото кои се лупат. Кај децата промените најчесто почнуваат на скалпот, а кога ќе се појават масни лушпи кои лесно паѓаат под нив останува црвенило. Тие промени тогаш се шират позади ушите и на лицето, но и во наборите на кожата, особено во пеленскиот дел. Освен тоа, често доаѓа и до појава на кандида или бактериски инфекции.
