Покрај вообичаената главоболка, менструалната мигрена ја карактеризира слабост на организмот, чувствителност на светлина и хормонални промени. Постојат два типа на менструална мигрена: менструална мигрена и мигрена која е поврзана со месечниот менструален циклус.
Во првиот случај се работи за главоболка која настапува исклучиво за време на менструалниот циклус. Најчесто се јавува два дена пред месечниот циклус и трае околу три дена, по почетокот на менструалниот период. Ваквата главоболка зафаќа помал дел од женската популација, отприлика околу 14 %.
Многу е почеста и поболна мигрената која е поврзана општо со циклусот. Жените тогаш не чувствуваат главоболка само за време не менструалниот период, туку болката може да се јави во кој било период од месецот. Ваквиот вид на мигрена должински трае подолго и потешко се елиминира, а ја искусуваат околу 50 % од жените.
Причина за менструалната мигрена е пад на естрогенот до што доаѓа пред менструалниот циклус. Ако често имате главоболки, запишете во дневник кога се се јавуваат, колку често и со кој интензитет. За мигрената посоветувајте се и со својот гинеколог, бидејќи постои можност нејзиниот интензитет да се зголемува од контрацепциските таблети.
Прв чекор кон излекување може да биде промена на контрацепцијата. Стручњаците тврдат дека главоболките може да се намалат и со дополнителни дози естроген кои се земаат околу пет дена пред месечниот циклус. Освен секогаш достапните лекови против главоболка, се препорачува и пиење на многу вода, топли или ладни облоги на главата.
