Храната богата со влакна има бројни здравствени придобивки. Овие намирници се богати со антиоксиданти, го задржуваат чувство на ситост подолго време и го регулираат варењето на храната.
Исхраната богата со влакна го намалува нивото на холестерол и шеќер во крвта, го спречува создавањето на хемороиди и рак на дебелото црево и се користи во лекување на запек. Поради тоа што заситуваат, влакната помагаат при губење на тежината и се неизбежен дел од здравата исхрана.
Повеќето луѓе преку секојдневната исхрана не ја добива потребната количина на влакна. На жените им треба најмалку 25 грама влакна дневно, додека за мажите од 30 до 38 грама
За среќа, телото е способно да сигнализира кога му недостасуваат влакна. Во продолжение неколку сигурни знаци дека организмот е осиромашен со овие важни хранливи материи:
-
Лошо варење;
-
Висок холестерол;
-
Високо ниво на шеќер во крвта;
-
Дебелина.
ИЗВОР НА ВЛАКНА
Најдобар извор на влакна се сите видови на мешунки, како и суви сливи, смокви и зрнесто овошје. Влакната, исто така, се наоѓаат и во зелениот лиснат зеленчук, морковите, печурките, тиквата, компирите, пченката, артичоката, аспарагусот, овошјето и житарките со цели зрна.
