Симптомите како кивање или течење на носот што ги поврзуваме со обична настинка, грип, сезонска алергија, па дури и со коронавирусот може да бидат слични, а уште еден симптом е чест помеѓу многу болести – отечени жлезди, особено на вратот. Всушност станува збор за лимфни јазли, кои се дел од нашиот лимфен систен кој ни помага во борба против инфекции и други болести. И додека отечените жлезди (медицинскиот израз е лимфаденопатија) може да бидат симптом, тие се всушност добра работа – значи дека телото се бори против нешто што му пречи.
Лимфните јазли се важен дел од имуниот систем, помагаат во препознавање и борба против бактериите или други туѓи материи, а во телото може да ги има околу 600 – по целата вилица, градите, стомакот, рацете и нозете. Меѓутоа, не се чувствуваат сите лимфни јазли, најчесто може да ги напипаме на препоните, пазувите и вратот. Обично се со големина на грашок, а кога се отечени се многу поголеми.
ШТО ПРЕДИЗВИКУВА ОТЕЧЕНИ ЖЛЕЗДИ НА ВРАТОТ?
“Кога лимфните јазли на вратот се отечени, тоа е знак дека се обидуваат да не заштитат, ги фаќаат негативците, нашиот имун систем ги џвака“ – објаснува д-р Ејми Зак, доктор по семејна медицина во Клиниката Кливленд. Отокот е последица на дополнителните крвни зрнца кои доаѓаат на местото на борба против инфекцијата. Отечените лимфни јазли на вратот веројатно се знак дека веројатно сте настинати, вели д-р Зак. Ова обично се случува кога вирусот на настинка на горните дишни патишта, односно укажува на тоа дека имуниот систем се бори со вирусната инфекција. Покрај вирусот на настинка на горните дишни патишта, зголемените лимфни јазли на вратот исто така може да бидат знак за следните болести:
- Настинки и грип
- Стрептокока во грлото
- Синусни инфекции
- Кожни рани, мононуклеоза
- Во ретки случаи, отечените лимфни јазли може да бидат знак за крацином, особено лимфом.
КОГА ДА ОТИДЕТЕ НА ЛЕКАР?
Со оглед дека отечените лимфни јазли најчесто се знак за настинка или друг вирус, доволно е едноставно да се одморате додека не помине вирусната инфекција, евентуално симптоматски да ги олеснувате тегобите.
“Но, кога лимфните јазли на вратот се зголемени повеќе од седум до десет дена или нема симптоми на вирусот на настинка или друга инфекција како што е стрептокока во грлото, ако едно подрачје е многу поголемо од другите и многу болно или пак предизвикува било какви потешкотии при дишењето или голтањето, се препорачува веднаш да се побара лекарска помош“, вели д-р Зак.
