Хроничниот стрес најчесто тивко, но константно влијае на нашиот организам, кој се преживува и памети. Препознајте ги симптомите кои предупредуваат дека е време за промена на начинот на живот.
Уморни сте без оглед на адекватното количество на сон. Спиете доволно и редовно, но и после тоа се чувствувате мошне уморно.
Наутро тешко се будите. Заради изложеноста на долготраен стрес надбубрежната жлезда навремено не излачува доволно од хормонот кортизол кој наутро обично стимулира создавање енергија во телото и ни помага да се разбудиме.
Немирни соништа и кошмари. Со количеството на сон прогресивно се зголемува и бројот на позитивни и убави соништа. Но кога сме нервозни и напнати, почесто се будиме заради што се намалува можноста за достигање степен на сонот во кој уморните и оптоварени соништа ги заменуваат позитивни и опуштени слики.
Имате голема желба за солена храна. Хроничниот стрес доведува до дисбаланс во количеството на електролити во телото, па заради тоа имаме потреба за нешто солено.
Ви се врти во главата кога станувате од седечка и лежечка положба или ако клечите. И ова е директна последица на недостатокот на електролити.
Тежок ПМС и нередовни менструации. Во телото се излачува вишок на хормон на стресот, што влијае на дисбалансот на половите хормони. Сето резултира со силни симптоми на ПМС и нередовен циклус.
Често сте настинати. Хроничниот стрес доведува до пад на имунитетот, заради што телото потешко се бори против бактериите и вирусите со кои сме опкружени и ја губи отпорноста на нив.
Не можете да преживеете ден без кофеин или енергетски напитоци. Обавезно пиете кафе или енергетски напитоци за да се чувствувате помалку уморно и да го разбистрите умот.
Појава на акни, и тоа ненадејна. Воспалената кожа, исто така, може да е знак за стрес.
Кожни болести. Чешање, атописки дерматитис или себореа се кожни болести кои имаат врска со хроничниот стрес.
Појава на нови алергии. Хормоните на стрес го стимулираат лачењето на имуноглобулинот Е, протеин во крвта кој е одговорен за алергиски реакции во организмот.
Болки во стомакот. Иако не е доволно истражена поврзаноста меѓу вознемиреноста и болките во стомакот, но сепак во многу истражувања е докажано дека грчевите во стомакот се поттикнати од нервоза.
Нагло дебелеење и слабеење. Не сте направиле промени во исхраната, но сепак одеднаш или слабеете или се дебелеете. Стресот може да е причина за хормонални промени кои влијаат и на телесната тежина. Посебно влијае на работата на штитната жлезда.
Често се чувствувате анксиозно. Стресот не влијае само на физичката состојба, туку и на психичката. Долгата изложеност на стрес може да резултура со напади на паника.
Не можете да се фокусирате. Некогаш бевте педантни и точни, а сега одеднаш не можете да се фокусирате на работата и обврските. Стресот зема данок.
Претерувате со својот порок. Место неколку цигари дневно одеднаш без проблем ја пуштите цела кутија. Заради чувството на притисок во стресни ситуации повеќето утеха бараат во својот штетен порок.
Заборавност и губиток на остроумноста. Ви треба долго да ја разбистрите главата, не можете да ги средите мислите и често заборавате. Се се ова последици на стресот.
