Модринките се вообичаена појава во секојдневниот живот. Најчесто настануваат како последица на удар, а се карактеризираат со промена на бојата во виолетово-модро-жолти нијанси, во зависност од степенот на залекувањето. Сепак, иако модринката најчесто е резултат на физичка траума, не секогаш тоа е изворот на нивното настанување. Заради тоа секој треба да ги знае и причините за настанување на модринки без очигледна причина и што значи тоа за здравјето. Треба да знаеме да ги препознаеме ситуациите кога модринките треба да не загрижат и кога заради нив треба да се обратиме на лекар.
Паѓањето или ударот во некој дел од телото предизвикува излевање на крвта од капиларите, што предизвикува помодрување на тоа место. Ако ударот е послаб крварењето е површинско, но може да биде и далеку посериозно. Модринката во прв момент е црвенкаста, па ја менува бојата до модра, зеленкасата и жолта, заради пигментот на крвта, хемоглобинот.
Модринки, освен од удар или пад можат да настанат и спонтано, заради слабост на капиларите. Тоа може да биде знак за некои пореметувања во организмот, особено кај згрутчувањето на крвта и за таква ситуација треба да се побара мислење од лекар.
Модринки без причина можат да настанат и во други случаи
- Кај некои болести на бубрезите или црниот дроб земањето одредени лекови можат да предизвикаат намалување на бројот на тромбоцитите, заради што и при најмал удар се појавуваат модринки
- Доколку се појавуваат без причина на нозете, тогаш може да укажат на проблем со вените или крвотокот
- Во случај на апластична анемија
- Кога се јавуваат подливи, отекување и крвавење на непцата, причина може да е недостатокот на витамин Ц, рибофлавин и фолна киселина
