Многу од нас при одредени повреди, особено на зглобовите практикуваме студени облоги за да ги ублажиме болките. Дали секогаш треба ова да го правиме, советува д-р Анес Таловиќ, специјалист по спортска медицина.
Кога се користи мраз?
Мраз треба секогаш да се користи при акутни повреди или трауми на било кој дел од телото. Мразот е силен вазоконстриктор: студот предизвикува констрикција на мускулите, па за да се намали отокот или болката се користат студени облоги. Како се стеснуваат крвните садови, помали воспалителни медијатори влегуваат во зафатеното подрачје. Во случај на мускулно-коскени повреди, мразот ги намалува воспалението, боките и спречува хиперимун одговор во зафатеното подрачје на телото.
Студени облоги се применуваат само во интервал од 15-20 минути, со барем 90 минути пауза. Мразот треба да се користи во првите 48-72 часа по повредата. Никогаш не користете топли облоги за тоа време. Мразот исто така се користи за ублажување на хроничните болки во грбот. Мраз треба да се користи по вежбање, особено по напорни вежби, но никогаш пред вежбање. Бидејќи мразот го засилува стегањето на мускулите и предизвикува напнатост, неговата употреба пред телесни активности може да доведе до повреди.
Кога се користат топли облоги?
Топлите облоги се користат за опуштање и ослободување од напнатоста поврзани со крутоста и напнатоста на мускулите. Топлината најдобро се користи за лекување на хронични болки, постојани болки во грбот, вратот или други болки во мускулите и коските. Топлите облоги може да се нанесат пред вежбање за да се острани мускулната крутост.
Ова се само основни правила за лекување на болките во грбот со топлина или мраз. Ако ви е дијагностицирана автоимуна болест, секогаш разговарајте со лекар за топлинска терапија или терапија со мраз. Ако забележите дека студените или топлите облоги ви ја зголемуваат болката, избегнувајте нивно користење и советувајте се со лекар.
