До крварење во окото обично доаѓа по некоја повреда. Помалки вообичаени, но сериозни причини за крварење во окото вклучуваат рак, малформации на крвните садови во окото и иритација и воспаление на шареницата (ирисот). Високиот крвен притисок и земањето на одредени лекови кои ги менуваат механизмите за згрутлување на крвта, се останати ризик фактори.
Субконјунктивална хеморагија е стручниот термин за крварење на окото. Крварењето внатре во окото може да се манифестира во форма на ситни црвени дамки или поголем крвав подлив. Крварењето се појавува како дамка светла, црвена крв во белиот дел од окото. Иако може да биде застрашувачки да се разбудите и да видите крв во своето око, субконјунктивалното крварење главно е безопасно, со видлива крв која е резултат на пукање на крвен сад во окото.
СИМПТОМИ
Белоочницата е покриена со тенка слузница која се нарекува конјуктива, која ја прекрива и внатрепната страна на веѓите и содржи цела мрежа на ситни и тенки крвни садови. Тие садови се многу нежни и лесно може да пукнат. Кога ќе пукнат, крвта се разлева и се сместува помеѓу белоочницата и конјуктивата.
Доколку крварењето е незначајно, делче од окото лесно ќе се зацрвени. Но, при обилно крварење, комплетната белоочница може да се зацрвени и во некои случаи да се испакне нанадвор. Состојбата вообичаено не предизвикува болка или промена на видот, но повремено може да предизвика мал јадеж на окото. Понекогаш чешањето се јавува по трепкањето.
ПРИЧИНИ
Субконјунктивално крварење може да биде предизвикано од следното:
- Повреда
- Упорна и лесна кашлица или кивање
- Повраќање
- Подигање на тежок товар
- Силно триење на окото со дланката
- Запек
- Разни инфекции на окото
Направете детален систематски преглед доколку сте имале вакво крварење повеќе од два пати во годината, за да бидете сигурни дека зад тоа не се крие некоја сериозна здравствена состојба.
