Розацеата е воспалителна болест на кожата која вообичаено ги погодува лицата со светол тен. Се препознава по локализирано црвенило и видливи капилари на подрачјето на лицето, најчесто на образите и на носот. Симптомите на розацеа се многу непријатни, а може да се влошат и не се само естетски проблем.
Како да се препознае розацеа?
Воспалителното пореметување на кожата проследено со постојано црвенило се нарекува розацеа. Таа пречувствителност на кожата може да се препозанае по проширени капилари, чувство на пецкање, затегање, црвени дамки и напливи на црвенило. Тоа е хорнично пореметување кое се јавува во епизоди и го има 10% од луѓето, а карактеристика е на оние кои имаат посветол тен.
Први знаци на купероза на кожата се тенки капилари со плаво-црвена боја, а подоцна се појавува се поизразено црвенило.
Куперозата односно црвенилото на кожата се ртазвива во неколку фази. Во раната фаза розацеата се појавува во облик на повремено црвенило на лицето, а подоцна со појава на проширени капилари, а понекогаш и гнојни мозолчиња. Кај потешките случаи, а и со тек на времето кај лицата со розацеа може да дојде до задебелување на кожата, посебно во делот на носот. Неретко на таква кожа се појавуваат мозолчиња и воспалителни процеси кои се поистоветуваат со акни. Кожата со розацеа е повеќе сува, нема проширени пори, а по гнојните мозолчиња не остануваат лузни. Отеченост на подрачјето околу очите и црвенило на очите се пропратни симптоми на розацеата. Хроничната розацеа предизвикува непријатни проблеми со очите, меѓу кои најлоша форма е конјуктивитисот, а најлоша форма е оштетување на видот. Розацеата се јавува на носот, образите, но и на целото лице.
ТРИГЕРИ ЗА ПОЈАВА НА ЦРВЕНИЛО НА ЛИЦЕТО
Вистинските причини за појава на розацеата не се со сигурност утврдени. Сепак, за нејзини тригери се сметаат комбинации на надворешни и внатрешни фактори. Некои фактори може да ја влошат состојбата на кожата и да доведат до влошување на симптомите на розацеа. Во нив спаѓаат климатските промени, преголема изложеност на сонце, студено време и ниски температури, потоа стрес и стресни ситуации. Секојдневната хигиена во која се вклучени миење и чистење на телото со жешки купки и користење на јаки средства за капење, може да ги влошат симптомите на црвенило и розацеа. Пареата ја суши кожата и поттикнува нејзино прегревање. Производите кои содржат парабени и сапуни исто така ја сушат кожата и може да доведат до иритација.
Прехранбените навики се силни тригери за напади на црвенило на лицето. Најчесто тоа е алкохол и презачинета храна која поттикнува загревање и топлина на телото.
Поради тоа, за спречување на симптомите на розацеа неопходно е да се избегнува се она што поттикнува напливи на црвенило: жештина, студено време, лута и презачинета храна, цигари, алкохол…
