Кога заради алкохол на ништо не се сеќавате…

Еве што се случува во мозокот и телото кога ќе испиете до таа мерка да имате дупки во сеќавањето.

Често се случува откако ќе испиете голема количина на алкохол, следниот ден да не се сеќавате на ништо, односно да се појават т.н. црни дупки. Еве како алкохолот доведува до тоа. Директорот на Институтот за злоупотреба на алкохол и алкохолизам Џорџ Куб, вели дека лицата кои имаат 0,16 промили алкохол веќе се изложени на ризикот од дупки во сеќавањето. Сепак, тоа зависи од лицето, после колку алкохол нема да се сеќава на некои работи. Стручњаците натаму објаснуваат како алкохолот влијае на системот и како да препознаете кога сте изложени на ризик од црни дупки во сеќавањето.

Што се случува во мозокот

Состојката која доведува до овој симптом кој се поврзува со пијанство е етанол. Кога ќе испиете еден до четири или повеќе пијалоци за краток временски период, ефектите од оваа супстанца стануваат поизразени, а особено ако сте гладни.

„Апсорпцијата на етанол се случува во гастроинтестиналниот систем„ вели д-р Бенџамин Каплан, додавајќи дека најголемиот дел од таа апсорпција се случува во тенкото црево и стомакот. „Кога стомакот е празен, етанолот е на највисоко ниво во крвта од 30 до 90 минути по консумирањето„.

Со други зборови, додека се пие алкохол, етанолот во крвта од час на час станува се повисок. Токму затоа нивото на етанол расте дури по еден до два часа од консумирањето на првиот пијалок, па се случува луѓето да не сфатат дека испиле премногу. Неколку часа по консумирањето на алкохол, етанолот може непречено да стигне до мозокот. Алкохолот влијае на рецепторите во хипокампусот (дел од мозокот кој ги контролира функциите како емоција или сеќавање) вклучувајќи го и ГАБА рецепторот.

Кога мозокот делува на ГАБА рецепторот, се стопира преносот на сигнали во мозокот вклучувајќи ги и сигналите задолжени за сеќавањето, а сето ова резултира со црни дупки во сеќавањето, објаснува Куб. Покрај ова, алкохолот го стимулира невротрансмитерот гутамат во мозокот, поради што лицето после многу алкохол се чувствува помирно. Консумирањето алкохол делува и на ослободување на допамин и серотонин, истакнува Каплан. Благодарение на промената на хемикалиите во мозокот, може да се случи лицето да се однесува потполно спротивно со својот карактер. Заради тоа што ГАБА и глтамат пецепторите може да го активираат центарот за нагарда во мозокот, може да се случи да се чувствувате одлично кога штотуку ќе почнете да пиете. Затоа продолжувате, додека алкохолот влијае на говорот, одот и рефлексите. Куб додава дека како се зголемува количината на алкохол во крвта, благодарение на промените на хемикалиите во мозкот, може да се случи, лицето да се однесува во целосно спротивно од својот карактер.

Кога ќе се внесе премногу алкохол може да се случи да правите работи кои вообичаено не ги правите, да играте на столица пред шефот, а следниот ден да не се сеќавате на ништо„, објаснува тој. Дупките во сеќавањето не нанесуваат трајни последици на мозокот, но преголема количина на алкохол може да го зголеми ризикот од повреди или да предизвика одредени болести.

Како однапред да препознаете дупки во сеќавањето

Лицата кои пијат, не е лесно однапред да препознаат дека ќе имаат дупки во сеќавањето. Но, оние кои делуваат дезориентирано, имаат слаба координација, повраќаат или им е потребна помош да стигнат до домот, секако се изложени на црни дупки во сеќавањето. „Отежнатиот или неповрзан говор исто така е последица од голема количина на алкохол„, објаснува Куб, додавајќи дека тоа е очигледна промена во нечие однесување и може да укаже на опасност од црни дупки во сеќавањето. Брзата промена на расположението исто така може да биде јасен знак дека лицето премногу испило и ќе има црни дупки. Прекумерното консумирање на алкохол, особено ако тоа често се повторува, претставува закана по здравјето. Се зголемува ризикот од канцер, срцеви проблеми, проблеми со црниот дроб, па дури и трајно оштетување на мозокот.