Без оглед на тоа како се чувствувате, колку енергија имате и дали вашиот живот е токму онков каков што сакате да биде, болеста може секогаш да се појави ненадејно и да ги наруши вашите планови. Заради тоа е многу важно да ги откриете болките кои се скриени симптоми и кои укажуваат на сериозни проблеми како ракот на јајниците.
Многу е важно да се препознае разликата помеѓу вообичаена карлична болка, од онаа која сигнализира дека нешто е сериозно.
Болката во карлицата може да укаже на многу работи и не треба веднаш да се помисли дека е нешто многу сериозно. Може да биде поврзана со цревата, дебелото црево или мочниот меур. Воспалението на уринарниот тракт обично започнува многу брзо и се манифестира со силна болка и константна непријатност. Инфекцијата на дебелото црево може да се препознае со остра болка во долниот десен агол на карлицата, и обично е придружена со гадење, покачена температура и треска. Различни воспаленија на цревата, исто така, предизвикуваат болки во долниот дел од абдоменот.
Сите овие видови на болка се драстично различни од болката предизвикана од тумор на јајниците.
Израстоци на јајниците
Тринаесет проценти од жените во перименопауза се изложени на ризик од малигни израстоци на јајниците. Резултатот често се отоци проширување на карлицата, што може да резултира со болка. Важно е да се напомене дека повеќето од израстоците не мора да предизвикуваат рак на јајчниците или некоја друга тешка болест. Повеќето се бенигни цисти и други видови на израстоци кои се доста чести и нормален дел од менструалниот циклус или овулацијата. Во повеќето случаи, тие се безопасни и самите исчезнуваат, а некои може да се отстранат хируршки. Ова главно се однесува на зголемените цисти кои не поминуваат самите по еден или два циклуси. Во овој случај, лекарите обично препорачуваат подетално следење на израстоците што може да доведе до ендометриоза или неплодност. Симптомите на ваквиот вид проблеми се притисок врз цревата и мочниот меур и блокада на бубрезите. Младите жени кои ги имаат овие симптоми треба да се консултираат со лекар за да избегнат хронична болка.
Рак на јајници
Се јавува кај една од 70 жени и исто како и високиот крвен притисок, ракот на јајниците се нарекува „тивок убиец“, бидејќи е многу лесно симптомите да се помешаат со некои безопасни болести. Затоа, ако карличната болка е во комбинација со гадење, грчеви, дијареа, повраќање, треска или брзо губење на тежината, задолжително контактирајте го вашиот лекар. Други симптоми исто така може да бидат запек, ослабени карлични мускули, болка во слабините или грбот, како и промени во вагиналното крварење.
Ваквите болки и симптоми ако се појават повеќе од десет пати месечно мора да се сфатат многу сериозно. Многу е важно да бидете информирани, да го следите вашето тело, да ги забележите првите промени и се разбира, да одите на редовни прегледи кај матичниот гинеколог.
