Габичните инфекции во најголем број случаи (90%-95%) се предизвикани од прекумерен раст на габите од видот Candida, и тоа најчесто Candida albicans. Кандидата нормално живее на кожата, во устата, дигестивниот и гениталниот тракт. Меѓутоа, како резултат на одредени фактори (прекумерна употреба на антибиотици, стрес, пад на имунитетот и сл.) доаѓа до пореметување на рамнотежата меѓу габите и бактериската флора, што доведува до развој на инфекција.
Исхраната во овие слуачи игра важна улога, па освен лекувањето, важно е да се придржувате и до некои општи правила за исхраната.
За почеток добро е да се придржувате на режимот за исхрана без дополнителен шеќер (елиминација на слатки и други намирници кои содржат дополнителен шеќер како разни грицки, преработки, засладени напитоци). Имено, истражувањата покажале дека зголеменото ниво на шеќер во крвта го зголемува ризикот од инфекција со кандида. Вклучувањето на намирници кои имаат силно антифунгално дејство исто така е важен чекор. Тоа се, пред се, лукот (благодарение на алицинот), потоа куркумата (благодарение на куркумонот) и кокосовото масло (кај кое лауринската киселина е главна антигабична состојка). Намирниците богати со пробиотици, како и додатоците во исхраната со пробиотски култури го јакнат имунитетот и, исто така, го потпомагаат опоравувањето на нарушената бактериска флора. Кога станува збор за напитоците, растителните чаеви како што се чајот од камилица, оригано или невен, исто така, помагаат во ублажувањето на тегобите.
