Цревата играат голема улога во нашето тело. Освен за дигестијата, одговорни се и за нашиот имун систем и многу други функции во организмот. Меѓутоа, со стилот на живот, често ги преоптоваруваме цревата. Ова се неколку навики со кои си штетиме сами на себе.
- Обилни оброци
Дали некогаш сте забележале дека по премногу храна чувствувате непријатно чувство на ситост, а истовремено одеднаш почнува да ви недостасува енергија? Причината е што цревата се преоптоварени – тие се обидуваат да сварат голема количина храна, па телото целата своја енергија ја насочува на дигестијата. Прејадувањето е големо оптоварување за нашите црева.
- Многу малку течности
На цревата им се потребни многу течности за нормално функционирање. Во дебелото црево складираме околу 4 литри течности. Ако испиеме премалки, телото црпи течности токму од ова место, што може да доведе до бројни проблеми, како запек или цревна опструкција.
- Премалку растителни влакна
Растителните влакна се тие кои овозможуваат здрава и ефикасна дигестија. Ако ги јадеме многу малку, тоа може да доведе до дигестивни нарушувања и слабост.
Премногу шеќери
Нема ништо лошо во тоа да се сака слатко, но уживајте во благата храна во граници на нормала. Прекумерниот внес на шеќер поттикнува воспаленија во организмот, како и гастроинтестиналниот тракт. Истовремено, шеќерот лошо влијае на цревната флора, што може да доведе до дигестивни проблеми.
- Преработена храна
Печива, салами, кобасици, паштета… Преработената храна содржи многу сол, шеќер и нездрави масти. Сето тоа лошо влијае на цревната флора и последично на работата на цревата и дигестијата.
