Со текот на годините, промените оставаат трага и на очите. Еден ден ќе мора да го оддалечиме весникот додека читаме или ќе се пожалиме дека декларациите на призводите се толку ситно напишани, што никој не може да ги прочита. Станува збор за проблеми со видот кои се случуваат поради стареењето.
Малите букви се матни
Со промена на обликот леќата ја менува целната одалеченост на окото, па може да фокусира објекти на различни одалечености од окото. На тој начин се создава остра слика, но како што телото станува помалку флексибилно со годините, истото се случува и со леќите. Тие наидуваат на потешкотии кога го менуваат својот облик за да се прилагодат на целната оддалеченост на предметите кои се блиску.
Овој проблем се решава со офталмолошки преглед и добивање на соодветни очила или контални леќи. Ако до промената дојде нагло, тогаш може да станува збор за сериозна болест – сенилна макуларна дегенерција на окото, која претставува најчест причинител за слепило кај лица постари од 50 години.
Бои кои бледеат
Ако сте забележале како боите на предметите околу вас се менуваат и попримаат страински изглед со кафеави или жолтеникави тонови, како фотографија со сепиа ефект, можно е да станува збор за катаракта која претставува заматени очни леќи и штети на прецепцијата на бои. Катарактата е присутна кај 50 % од лицата на возраст меѓу 65 и 74 години, и 70 % кај лицата нас 75 години. Механизмот на појава на катарктата не е до крај познат, но според лекарите, се знае дека доаѓа до насобирање на протеини на леќата, што ја намалува нејзината проѕирност.
Не постојат лекови кои спрелуваат или ја успоруваат појавата на катаракта. Единствен начин за нејзино лекување е операција, т.е. отстранување на леќата.
Суви очи
Со годините, очите ја губат спосбноста за правилно подмачкување со помош на солзите. Солзите се состојат од три работи – масти, протеини и вода. Ако недостасува која било состојка или нејзината продукција се намали, резултатот е лошо лубрирање на очите.
Причина може да бидат лекови, менопауза, некоја болест или претерана изложеност на сув воздух. Сувото око се јавува често и кај лица кои боледуваат од ревматизам, дијабетес или болести на штитната жлезда. Со овој проблем се среќава секое четврто лице по навршена 65 година од животот.
Сувите очи може да се решат со вештачки солзи или со пормена на лековите, секако, со дозвола на лекар.
