Акутен синузитис е воспаление на слузницата на носот и параназалните синуси, при кој постои отежнато дренирање и собирање на слуз, отежнато дишење преку нос, отекување на лицето и на очите, но исто така може да има и болка на лицето или главоболка.
Акутниот синузитис најчесто е предизвикан од настинки. Други причинители можат да бидат и бактериите, алергиите и габичните инфекции.
Третманот на акутниот синузитис зависи од причината. Во повеќето случаи лекувањето без медикаменти е доволно, но сепак, упорниот синузитис може да доведе до сериозни инфекции и други компликации.
Симптоми на акутен синузитис
- Неколку дена откако почнала настинката очекувате да биде веќе залекувана, но носот е сѐ повеќе запушен, а количината на зелениот исцедок се зголемува.
- Сѐ почесто дишете преку уста, кога зборувате звичите зарипнато и затнато и на крај сѐ ве боли и не можете да станете од кревет
- Ако инфекцијата влијае на фронталните синуси, главен симптом е главоболката над едното или над двете очи, најчесто во утринските часови
- Ако инфекцијата влијаела на максиларните синуси, болката ќе се појави во едниот или двата образи. Може да предизвика забоболка во горната вилица. Понекогаш синузитисот се јавува по поправки на заби затоа што инфекцијата се шири од корените на забите, преку косата до синусот.
- Синузитис може да се појави поради оштетување на носната коска или ако во носот влезе туѓо тело.
