Ако некогаш сте слушнале дека срцето е единствен р=орган кој не го погаѓа ракот, тоа е мит. Иако е многу редок, рак на срце постои. Малигните тумори кои се развиваат на срцето како примарен карцином, најчесто се саркоми на мекото ткиво. Повеќето случаи на рак на срцето всушност се последица на ширење на клетките на ракот од друг орган, најчесто од белите дробови, црниот дроб и желудникот.
СПУШТАЊЕ НА ПРИТИСОКОТ
Истражувањата покажале дека лицата кои секој ден јадат свео овошје и зеленчук, имаат помал ризик за појава на рак на срцето ( и други видови на карцином). Освен ракот, ќе го превенираат и високиот притисок, кој кога е многу висок ( над 180/110 mmHg), понекогаш се нарекува малигна хипертензија, рак на крвниот притисок или, почестиот назив хипертензивна криза.
Се дијагностицира кога постои непосредно оштетување на еден или повеќе органи по многу висок крвен притисок. Над 60% од заболените од рак на крвниот притисок, за жал умираат. Лицата чии вредности на крвниот притисок се толку многу високи не мора задожително да имаат симптоми, но сепак најчесто наведуваат главоболка ( 92%), слабост, слабеење на видот, задишување или општо чувство на малаксалост поради затајување на бубрезите. Повеќето лица со хипертензивна криза и пред тоа имале хипертензија.
Во случај на хипертензивна криза, потребно е итно да се намали крвниот притисок за да се стопира дополнително оштетување на органите. Но, имајте предвид дека препораките се постапно намалување на притисокот, оти агресивното намалува не е безопасна работа.
