Се повеќе истражувања за новиот коронавирус носат повеќе важни сознанија за болеста КОВИД-19. Нови истражувања откриле дека овој вирус може да влијае на целиот нервен систем, вклучувајќи го мозокот и ‘рбетниот мозок.
Речиси половина од хоспитализираните пациенти заразени со КОВИД-19 имаат и невролошки проблеми, вклучувајќи главоболка, вртоглавица, намалена будност, потешкотии со концентрацијата, пореметување на сетилото за мирис и за вкус, малаксалост и болки во мускулите.
“Иницијално се мислело дека влијае само на респираторниот систем, но сега разбираме дека коронавирусот влијае и на многу други органи во централниот и периферниот нервен систем“, објавиле стручњаците во списанието Annals of Neurology.
Тие истакнуваат и дека овие невролошки симптоми може да се јават пред појавата на треска и остантите, сега веќе препознатливи симптоми на КОВИД-19. Освен тоа, научниците додаваат дека коронавирусот може да влијае на целиот нервен систем, вклучувајќи го мозокот, нервите, ‘рбетниот мозок, мускулите, а велат и дека мозокот може да почувствува последици поради недостатокот на кислород.
