По состанокот на стручњаците на тема долгорочни последици на болеста, а под покровителство на Американскиот институт за здравје, објавен е извештај на д-р Ентони Фаучи, познат експерт за заразни болести во кој тој вирусот го нарекува феномен кој е вистински.
“Не се знае колку луѓе ќе имаат долготрајни последици, но сигирно ќе претставува голем јавмно здравствен проблем“, вели Фаучи.
Д-р Џон Брук од Центарот за превенција и контрола на болести на САД, се согласува дека бројот на лица со долготрајни последици од новиот коронавирус, може да биде многу голем.
Но, како и самиот вирус, долготрајните симптоми целосно не се јасни, а исто така и потенцијалните начини на лекување.
“Ако ме прашате што знам за таа фаза по оздравувањето, морам да кажам дека не баш многу. Струката се занимава токму со тие прашања – колку луѓе страдаат од последици, колку истите траат, на кого влијаат и како да се спречат“, вели д-р Брук.
МНОГУ СИМПТОМИ, МАЛКУ ОДГОВОРИ
Како и акутната инфекција, има потенцијални симптоми на болеста, како замор, проблеми со дишењето, срцето, главоболки и болки во мускулите.
Според резултатите од спроведените истражувања, заклучок е дека од 3800 лица од 56 земји, 85% пријавиле дека страдаат од когнитивни проблеми, 81% рекле дека имаат невролошки проблеми, а речиси 50% имаат проблеми со говорот, додека 75% имаат проблеми со извршување на работните задачи.
Еве кои се највообичаените симптоми на КОВИД-19 кои е важно навреме да ги препознаете и веднаш да реагирате.
- ТЕМПЕРАТУРА
Температурата е првиот симптом на коронавирусот, па иако таа се зема предвид ако е над 37 степени, за едно лице не се смета дека има висока температура се додека не биде над 38 степени.
- КАШЛИЦА
Ова е симптом што веројатно ќе го забележите по појавата на температура. Се работи за сува кашлица која не поминува, а е проследена со отежнато дишење и болка во мускулите.
- БОЛКА ВО МУСКУЛИТЕ
Ова е симптом што ќе се појави по високата температура и кашлицата и не е невообичаен кај вирусни инфекции.
- МАЧНИНА
Дигестивниот систем е чувствителен на овој вирус, а пред дигестивните проблеми, се јавува и мачнина.
- ПРОЛИВ
Честа е кај луѓето кои имаат КОВИД-19, а според една студија од 206 пациенти, 48 имале дигестивни проблеми, а 69 покрај дигестивните, јавиле и респираторни тегоби.
Зошто е важно да се знае редоследот по кој се појавуваат симптомите?
„Важно е затоа што може да се појават заедно со симптоми на грип“, вели проф. Питер Кун и додава дека според редоследот, лекарите можат да ја идентификуваат болеста и да ги преземат неопходните чекори за подобро да се погрижат за пациентот.
