Тироидната жлезда е орган кој го штити нашето тело, ја контролира работата на сите клетки и произведува хормони тријодотиронин и тироксин. Овие два хормони се одговорни за регулирање на нормалната функција на целиот организам и се вклучени во одржување на нормалниот клеточен метаболизам. Тоа влијае на работата на другите жлезди, мозокот и срцето, како и на васкуларниот и респираторниот систем. Тоа, исто така, влијае на нашето секојдневно функционирање, како и на движењето и спиењето.
Штитната жлезда се наоѓа во предниот дел на вратот, го заобиколува дишникот и изгледа како пеперутка. Таа е направена од фоликули кои произведуваат хормони, а за да биде тоа возможно, на нашето тело му треба јод.
Дали тироидната жлезда работи нормално, се проверува преку тестови на крвта, но и доколку се следи однесувањето на телото особено присуството на некои симптоми кои вообичаено упатуваат на проблеми со работата на тироидеата.
Хипотиреоза
Хипотиреоза значи дека тироидната жлезда работи забавено, односно лачењето на хормоните е намалено. За оваа болест најчесто постојат генетски предиспозиции кои го условуваат појавувањето, а може да се развие и како резултат на хроничен недостаток на јод во организмот. Сепак, најчестата причина за појава на болеста е автоимуно воспаление на тироидната жлезда, кое уште се нарекува Хашимовиот тироидит.
Симптомите кои би можеле да укажуваат на хипотиреоза, меѓу другото, се и недостаток на апетит, придружен со континуирано зголемување на телесната тежина, главоболки, постојано чувство на студ, запек, многу сува кожа и проретчување или губење на косата.
Со промена на начинот на исхрана може да влијае на подобрување на состојбата при хипотиреозата, особено ако се внимава на внесувањето на јод, цинк и селен, со почесто внесување на храна како спанаќ, риба, тиквици, лосос и ореви.
Хипертиреоза
Хипертиреоза претставува забрзана работа на тироидната жлезда, генетски е предиспозиционирана и најчесто ги напаѓа жените на возраст од 30 до 50 години. Може да се јави поради прекумерен стрес или прекумерни количини јод во телото. Жените се многу повеќе засегнати, особено ако тие имаат стресна професија и премногу обврски во семејството.
И во случајот на хипертиреоза постојат симптоми кои можат да варираат од случај до случај, но генерално можат да укажат на постоењето на ваков проблем. Тоа е пред сѐ нагло губење на тежина без да се загуби апетитот, чувсто на постојана топлина, губење на здив и силно чукање на срцето и нервоза.
И во првиот и во вториот случај, симптомите се многу индивидуални, некој може да ги има сите или пак само една, што го отажнува идентификувањето на нарушувањата на работата на тироидната. Понекогаш луѓето сите симптоми ги припишуваат на возраста или брзиот начин на живот и тие не обрнуваат премногу внимание, што доведува до развој на болеста и спречува навремен третманот.
