Зеленчуците како зелката, кељот, прокељот, брокулата и други се полни со витамини, минерали и други корисни состојки, па нутриционистите советуваат што почесто да се најдат на нашето мени. Многу научни истражувања покажаа дека сите овие зеленчуци го содржат антиоксидантот кверцетин, кој штити од рак, а меѓу сите нив предничи кељот.
Овој вид на зеленчук е една од најпосакуваните храни, добар е за здравјето на црниот дроб, а научниците откриле дека поради изотиоцијанатите, кељот е одличен во превенцијата на ракот. Покрај тоа, сите оние кои се на диета не мора да се грижат, бидејќи просечен оброк од кељ има само 49 калории!
Овој зеленчук богат со витамини и минерали, и содржи особено големи количини на витамин А, калциум, витамин Ц, сите витамини од групата Б и витамин Е. Кељот има многу силни антиоксидантни својства, а има и лутеин и зеаксантин, кои се корисни за здравјето на очите. Други истражувања покажаа дека го намалува крвниот притисок и им се препорачува на сите оние со проблеми со срцето и крвните садови. Покрај тоа, е извор на фолна киселина и е одлична за бремени жени.
Зелката е меѓу најраспространетите зеленчуци на нашето поднебје. Тоа е храна богата со витамини и минерали, најмногу со калиум (особено белата зелка), потоа железо, магнезиум, бакар, мал процент на натриум, калциум и фосфор. Со своите лековити својства, особено со антиоксидантите, зелка ја зголемува отпорноста на рак. Многу студии потврдуваат дека луѓето кои често јадат зелка ретко страдаат од рак на желудникот, дебелото црево, белите дробови и на кожата.
Прокељот, според нивото на витамини кои ги содржи, ги надминува сите други зеленчуци од семејството зелки. Содржи многу витамин Б, минерали и елементи во трагови. Горчливиот вкус му го даваат индолите, фитохемикалии, кои во комбинација со витамините Ц и Е неутрализираат цел спектар на канцерогени состојби.
