Главен симптом кој би можел да укажува на КОВИД-19 е воспалени грло, покажуваат податоците собрани од 17.500 лица кои изјавиле дека биле позитивни на КОВИД-19 оваа недела.
По болката во грло, по зачестеност следуваат главоболка, затнат нос и кашлица. Високата температура или треска, како и губењето на мирис или вкус сега поретко се појавуваат кај заболените.
Засипант глас, кивање, замор, болки во мускулите и вртоглавица се јавуваат во малку поголем процент.
Топ 20 ковид симптоми, според податоците од студијата Zoe App, се: воспалено грло (58 проценти), главоболка (49 проценти), затнат нос (40 проценти), кашлица без слуз (40 проценти), течење на носот (40 проценти), кашлица со слуз (37 проценти), засипнат глас (35 проценти), кивање (32 проценти), замор (27 проценти), болки во мускулите (25 проценти), вртоглавица (18 проценти), отечени жлезди на вратот (15 проценти ), болка во очите (14 проценти), промени во сетилото за мирис (13 проценти), стегање во градите (13 проценти), висока температура (13 проценти), треска (12 проценти), отежнато дишење (11 проценти), болка во увото (11 проценти) и губење на мирис (10 проценти).
Ваквата зачестеност на симптоми кај заразените се совпаѓа со наодите на други истражувачи.
Во рамките на студијата React-1, научниците секој месец испраќале домашни тестови за 150.000 случајно избрани луѓе низ Англија, а нивните наоди им помогнале да откријат како се промениле симптомите на ковид се промениле од почетокот на пандемијата и како се развива пандемијата.
Научниците веруваат дека ова може да укажува на тоа како вирусот се менува и мутира со текот на времето. Од почетокот на пандемијата се појавија неколку варијанти, а последната е омикрон со неговите подваријанти.
Студијата React-1 покажува дека губењето на мирисот и вкусот кај оваа варијанта се јавуваат многу поретко, иако ова беше еден од доминантните симптоми во оригиналната варијанта од Вухан.
